قصيدة الشهيد جدك وجدي للشاعر سامح هلال

قصيدة الشهيد جدك وجدي

____''''''''''_______

 بالإرادة والعزيمة  والتحدي .. 

لا ما فيش في الكون ده قدى

التاريخ أمجاد عظيمة

والشهيد جدك وجدي

 بالعزيمة والإرادة أرضنا لازم تعود

 ‏مستحيل الظلم أبدا.. ينتصر وأحنا الأسود

أحنا أرباب المعارك وأسالوا التاريخ يجود

 ‏مصر مقبرة الغزاة و التاريخ والنيل شهود

 ‏

خط برليف قالوا عنه إن هدمه من المحال

صوت بارودنا قال ولادنا في المعارك دول رجال

وف دقايق  شاع في كل الكون صدانا

غنى كل الكون معانا 

الشوارع والحواري والنجوع 

رجعت الضحكة الجميله في الربوع

قبل سته عشرة كنا حابسين الدموع

قبل سته عشرة كنا رافضين الخنوع

دوسنا أهوال الهزيمة

بالإرادة والتحدي  

ابني خطي الشوك وعدى

مد يدك جوا يدى

فجأة قالوا إنتصرنا والعدوا أعلن خضوعه

 ‏طيراته و دبباته  ‏حتى سكناته وقلوعه

 ‏

الساعة إتنين الضهر عبرنا

خط بارليف م الخوف إتهد

والعالم واقف يتفرج

والجندي المصري بينهي العرض

الجيش المصري إللي بيحمي

وعيونهم صاحيه ومش نيمين 

وهنفضل عن فضلوا بنحكي 

لو مهما تفوت سنين وسنين

 ‏

جايين الليله بنشكركم

على عرض بلادنا إللي حمتوه

والليله يا أبطال نوعدكم

إننا هنحافظ مش هنتوه

إنتم أبطالنا اللي عبرتم 

وولادنا اليوم تتحدى الصعب 

بأروحكم ضحيتوا وفزتم

على عدو كان حلمه نعيش في الكرب 

ومازلنا بنهدي أروحنا 

وأحكيلكم جزء من الواقع

في جنود بيضحوا بأروحهم

حالفين ليخلوا العدو راقع

لَو لَحْظَة تدقق فِي الصُّورَةِ

هتشوف الْمَنْسِيّ الأُسطورة

وهتلقى جيوش مصر الحره

ولتحيا بَلَدِنَا مَنْصُورَة

المنسي بطل ديما تلاقوه 

عسكري في الجيش بيحمي أخوه

المنسي شباب مصر الحره

لو غاب في يوم هتلقوا أخوه 

"الْمَنْسِيّ" بَطَل سيد الشُّجْعَان

كَانَ سَيْف عَلَى رَقَبَة أَي جَبَان

 هيموت  الْخَاين  و هننسوه

و "الْمَنْسِيّ" هيبقى كَمَا الْفُرْسَان

"خَالِد دَبّابَة " اللَّيّ كَسَرَهُم

كَان خنْجَر سَاكِن فصدورهم

"دَبّابَة"و "مَنْسِيّ" الأُسطورة

هيعيشوا ونحكوا مَآثِرُهُم

ولادنا أسْود مَا بيتهدوش

عَلَى كُلِّ جَبَان أسود وُحُوش

صُدُورهِم حِصن لِأَهْلِيهِم

"عَلِيّ و شبراوي" يهدُوا جُيُوش

الجندي المصري يهد جبال 

وأسألوا برليف عن الأبطال

في ست ساعات بهروا الدنيا

 ولسا الحرب مع الأندال

الحرب مازالت منصوبه

مع فرق بسيط ف الميدان

بنحارب بعيون معصوبه

والعدوا في خنادق مش بيبان

والطليعة نسور جسورة.. 

بدلو الصورة بدماهم 

والقلوب راضية وصبورة

وقت مابناخد عزاهم

تنطلق فينا العزيمة.. 

ندهس الخوف والمحال

فوقنا م الغمة الأليمة

يوم ما عدينا القنال

للشاعر سامح هلال