{ بطلة حكايتي }
بطلة حكايتي هي أمي
أحكي إيه أنا ولا إيه
عشقي لهواها ساكن فـ دمي
ساكن وريدي وبيجري فيه
غاليا عليَّا ضَي عنيَّا
وديما حبيبتي..
وشايله همي..
بطلة حكايتي هي أمي
أصل الحكاية أنا قولتها
دمي في وريدي ملكها
لو أعيش أنا فـ ضلها
ألاقي الجنة..... عندها
حضن أمي يا ناس "حياة"
بلقاها ضلي لو قلبي تاه
لو يوم تعبت من الجراح
حضن أمي بيكون نجاة
كل المشاهد تشهد إنها
أطيب قلب....... قلبها
من سنين وأنا قلبي
عاشق ..........ضلها
لو قُلت عنها العمر كله
عمري ما اوفي حقها
أمي الحنان أمي الأمان
أمي دي مفيش زيها
بطلة حكايتي هي امي
ديما معايا وشايله همي
في قربها في بعدها
ساكنه وريدي زي دمي
قالوا "القمر" في السما
قُلت أنا عندي " قمر "
ليا أنا..
نور حياتي كلها
أمي أنا هي الهنا
قالوا"الشمس" هي الدفا
قُلت يكفيني أمي وضلها
شمسي ونوري
طول حياتي في قربها
قالوا "المحيط "أوسع
حاجه في "الوجود"
حضن أمي ليَّا أنا
صدقوني مَلوش "حدود"
ياما منه إرتاويت وقت
الخطر بيكون " سدود "
قالوا "السما " حاضنه كتير
ما بين "نجوم" ما بين "سحاب"
قُلت أمي مجمعه "الأحباب"
فاتحه بحننها ألف باب
قالوا "الربيع" تحلى "الزهور"
وش أمي "بدر" البدور
لا "الربيع" لا "الخريف"
كل "الفصول"...
سطر واحد مـ السطور
قالوا "الهوى" قالوا "المطر"
في عيون حبيبتي
"رحلة" طويله من "السفر"
*********